​ Hoxhaj takohet nesër me Sekretarin amerikan të mbrojtjes, Mattis

19:49 / E enjte, 12 Korrik 2018

Sekretari amerikan i mbrojtjes, Mattis për herë të parë viziton Ballkanin.

Pas përfundimit të Samitit të NATO-së në Bruksel, Sekretari amerikan i mbrojtjes, James Mattis do të udhëtoj nesër në Zagreb për të takuar përfaqësuesit e shteteve të Ballkanit Perëndimor në kuadër të takimit të Kartës së Adriatikut me SHBA.

Pas ftesës së NATO-së për të nisur negociatat me Maqedoninë, SHBA-ja dëshiron të jap një mesazh të posaçëm përkrahës për vendet e Ballkanit.

Sipas komunikatës së Departamentit të Shtetit, vizita e Sekretarit Mattis është e para në rajon dhe do të takohet me ministrat e mbrojtjes së shteteve Kroaci, Shqipëri, Maqedoni, Mali i Zi, Kosovë, Bosnjë dhe Serbi.

Në takimin ku marrin pjesë ministrat e mbrojtjes, Kosova do të përfaqesohet nga Zëvendëskryeministri Hoxhaj si udhëheqes i delegacionit por do të shoqërohet edhe nga ministri i FSK, Rrustem Berisha.

Ky është takimi i parë i këtij niveli të lartë që mbahet me Sekretarin Mattis.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400