​Flet Kryeprokurori: Enver Hasani shpifi ndaj meje nga pakënaqësia që u dënua për korrupsion

19:01 / E martë, 14 Nëntor 2017

 

 

Kryesuesi i Komisionit Shtetëror për Shënjimin dhe Mirëmbajtjen e Kufirit Shtetëror, Shpejtim Bulliqi ka raportuar dje para Komisionit për Integrime Evropiane, ku ka paraqitur të gjeturat e komisionit.

Bulliqi dje ka thënë se nuk ka dilemë që vija kufitare me Malin e Zi në versionin e kaluar është bërë keq.

Të gjeturat e Bulliqit së bashku me Florim Isufin dhe anëtarët tjerë të komisionit sot i ka komentuar Ambasada e SHBA-ve, e cila në një reagim për media ka  thënë se pohimet e komisionit të prezantuara dje janë të pabazuara, çorientuese dhe të gabueshme.

“Marrëveshja ekzistuese pasqyron një proces të saktë të përcaktimit të kufirit, të konfirmuar nga komisioni shtetëror i Kosovës dhe ekspertë të shumtë të njohur ndërkombëtarisht. Në vitin 2015 Departamenti i Shtetit konfirmoi se marrëveshja origjinale saktësisht pasqyronte vijën kufitare që ka ekzistuar mes Kosovës dhe Malit të Zi që nga viti 1974. Që nga atëherë nuk kanë dalë fakte që do ta vënin në dyshim atë vendim. Vënia në dyshim e marrëveshjes dhe zvarritja e procesit të ratifikimit kërcënojnë marrëdhëniet e Kosovës me fqinjët e saj dhe me BE-në, dhe e lënë Kosovën dhe qytetarët e saj të izoluar” thuhet ndër të tjerash në deklaratën e ambasadës”, ka vlerësuar ambasada e SHBA-ve.

Për këtë deklaratë të ambasadës së SHBA-ve, në një prononcim për Indeksonline anëtari i Komisioni Shtetëror për Shënjimin dhe Mirëmbajtjen e Kufirit, Florim Isufi ka thënë disa fjalë.

Ai ka theksuar se dje në komision nuk u raportua por u diskutua për të gjeturat e komisionit të kaluar për shënjimin e vijës kufitare.

“Nuk e kam parë çka ka thënë ambasada prandaj nuk po mund të them asgjë. Ka gabime shumë përmbajtjesore raporti i kaluar, së pari askush nuk ka dhënë akoma raport për kufirin, ne dje vetëm diskutuam. Raportin nuk e kemi përfunduar akoma, kur ta përfundojmë ai do të mund të vlerësohet nga të tjerët”, ka thënë Isufi.

Ai e përsëriti disa herë se dje vetëm u diskutua për problemet e raportit apo dokumenteve që i ka dorëzuar komisioni i mëparshëm.

Indeksonline ka tentuar të kontaktoj edhe me Shpejtim Bulliqin, kryesues i Komisionit Shtetëror për Shënjimin dhe Mirëmbajtjen e Kufirit Shtetëror, por një gjë e tillë ishte e pamundur.

Të gjitha të drejtat janë të rezervuara © 2017 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400