40 mijë kosovarë lanë shtetësinë pas pavarësisë

22:30 / E martë, 17 Korrik 2018

Mbi dyzetmijë shtetas të Republikës së Kosovës kanë hequr dorë nga shtetësia që nga viti 2009 e këndej, bëjnë të ditur zyrtarë nga Ministria e Punëve të Brendshme.

Sipas të dhënave të katër vjetëve të fundit, mesatarisht në vit nga nënshtetësia e Kosovës janë liruar më shumë se 5 mijë qytetarë.

Në vitin 2014 nga shtetësia e Kosovës kanë hequr dorë 5 mijë e 158 persona, kurse më 2016, ky numër ka shënuar rritje në 5 mijë e 871 persona, raporton RTV21.

“Lirimin e shtetësisë prej vitit 2009 janë diku 40 mijë vetë, sipas analizave si MPB nuk është këtu aspekti ekonomik por shtetasve që jetojnë jashtë Kosovës, të cilët kanë jetuar më shumë se dhjetë vite dhe dëshirojnë të rregullojnë dokumentet në aspekte të tyre po ashtu e kemi Gjermaninë që nuk e lejon dyshtetësinë. Një pjesë e kosovarëve zgjedhin nëse dëshirojnë të kenë shtetësi kosovare apo gjermane, Zvicra është më liberale”, tha Izmi Zeka, zëvendësministër i Punëve të Brendshme.

 

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400