Aktivistja e dënuar për terrorizëm kritikon Këshillin e Përgjithshëm të Vetëvendosjes

00:00 / E hëne, 18 Dhjetor 2017

 

 

Aktivistja e Lëvizjes Vetëvendosje, Adea Batusha, ka shprehur zhgënjimin e saj në lidhje me mënyrën se si Këshilli i Përgjithshëm i Lëvizjes Vetëvendosje i ka trajtuar sot aktivistët e dënuar me 21 vjet burgim për sulmin mbi ndërtesën e Kuvendit të Kosovës.

Batusha është e dënuar nga Gjykata Themelore në Prishtinë me dy vjet burgim si e dyshuar për bashkëpunim në grupin e atyre që kanë sulmuar Kuvendin verën e vitit 2016. Mbrojtja është ankuar në shkallën e dytë dhe rasti do të gjykohet në periudhën brenda 3 muajsh.

“Sot u bënë fiks një muaj prej se Atdheu, Frashëri e Egzoni qëndrojnë të burgosur në Dubravë nën akuzat skandaloze të montuara për terrorizëm. Këshilli u thirr me urgjence, ndonëse sipas meje, në situatën e krijuar, këto veprime nuk i kontribuojnë zgjidhjes”, ka shprehur qëndrimin Batusha.

“Megjithatë, përveç pikave 4 dhe 5 që ishin Shpallja e Zgjedhjeve dhe Diskutimi i Koalicioneve Lokale, në pikën 6 parashihej të miratohej një: Deklaratë për neve, aktivistëve të dënuar me 21 vite burg dhe deputetët e arrestuar. Thënë të drejtën, kjo deklaratë do të ishte veprimi më i mirë i kësaj mbledhjeje të nxituar. Dhe do të më mbetej merak të mos merrja pjesë”, ka thënë më tej Batusha.

Por nuk ndodhi ashtu, ka treguar ajo.

“Në komunikatën zyrtare të këtij Këshilli ne veçse u përshëndetëm. Përderisa për temat për pushtetin brenda Lëvizjes dhe pushtetin në Komunat ku fituam apo kemi koalicion u bë debat, për ne nuk pat kohë. Kjo pikë iu delegua një komisioni apo grupi punues sikurse të ishte duke u organizuar ndonjë event për fundvitit”, ka thënë Batusha.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400