Ambasadori O’Connell: Transformimi i FSK-së përmes ndryshimeve kushtetuese

16:09 / E martë, 17 Prill 2018

Ambasadori i Britanisë së Madhe në Kosovë, Ruari O’Connell në bashkëbisedimin e zakonshëm me qytetarë në profilin e tij në Facebook, i pyetur se kush do të themelohet Ushtria e Kosovës, ai ka thënë se kjo duhej të ndodhte përmes ndryshimeve kushtetuese.

Ai në përgjigjen e tij ka theksuar se është në interesin tonë dhe interesin e Kosovës të kemi një sektor të fortë të sigurisë dhe do të vazhdojmë të punojmë për forcimin e FSK-së.

Më poshtë mund ta lexoni përgjigjen e plotë të O’Connell rreth transformimit të FSK-së në Forca të Armatosura:

Mbretëria e Bashkuar që nga viti 1999 ka pasur një rol kyç në sektorin e sigurisë se Kosovës. Jemi krenar që e kemi ndihmuar krijimin e Trupave të Mbrojtjes së Kosovës, që e kemi zhvilluar atë institucion, që e kemi ndihmuar të mbyllet kur i kishte mbaruar mandati dhe pastaj kemi ndihmuar të formohet Forca e Sigurisë se Kosovës. Është në interesin tonë dhe interesin e Kosovës të kemi një sektor të fortë të sigurisë dhe do te vazhdojmë të punojmë me ju për forcimin e FSK-se. Sa i përket transformimit te FSK-së në Ushtri të Kosovës, mesazhi i NATO-s ka qenë i qartë, aleatët tonë presin që kjo të bëhet me ndryshime kushtetuese. Nga perspektiva ime siguria e Kosovës varet fillimisht nga marrëdhëniet e ngushta me NATO-n dhe këshilla e pritja ime është që Kosova të mos bëjë asgjë që do e kërcënonte marrëdhënien me aleatet e NATO-s.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400