Bastiset “komuna serbe” e Pejës në Gorazhdec

10:03 / E enjte, 14 Shtator 2017

 

Medie serbe njoftojnë sot se “forca të mëdha policore nga Policia rajonale e Pejës në bashkëpunim me pjesëtarë të njësisë speciale ROSU” mbrëmë kanë bastisur lokalet e asaj që në këto medie quhet “komuna e serbe” e Pejës, e vendosur në Gorazhdec.

Sipas tanjugut dhe medieve të tjera serbe, polica pas bastisjeve ka marrë në bisedë Momo Dashiqin, sekretar i Kryqit të Kuq nga sistemi i Kryqit të Kuq të Serbisë, ndërsa kryetari i “komunës serbe” të Pejës Milosh Dimitrijeviq është ftuar që sot të paraqitet për bisedë në polici.

Më herët, po sipas këtyre medieve, ishin arrestuar edhe dy sekretarë të Kryqit të Kuq në Graçanicë Dragash, Sveta Zhiviqin dhe Zeqir Zyrapin. Policia kishte konfiskuar dokumente nga këto zyra.

Policia kishte vizituar edhe zyrën e koordinatorit të Kryqit të Kuq për Kosovën në veri të Mitrovicës dhe ndërtesën e komunës së Olbiqit në Plemetin.

I ashtuquajturi sekretar i të ashtuquajturit Kryqi i Kuq krahinor Dragisha Murganiq ka thënë se arsye për bastisje ka qenë regjistrimi i popullsisë që sipas tij bëhet për të hartuar kartën sociale në bazë të së cilës përcaktohet se kush ka nevojë për ndihmë sociale.

Koha.net është në pritje të përgjigjes nga Policia e Kosovës për njoftimet e medieve serbe.

 

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400