Delawie: SHBA do të jetë pjesë e dialogut Prishtinë-Beograd

22:40 / E mërkure, 14 Shkurt 2018

 

Ambasadori amerikan në Kosovë, Greg Delawie ka thënë se çfarëdo që të jetë modeli i fazës tjetër të bisedimeve mes Kosovës dhe Serbisë, ShBA-ja do të jetë pjesë e dialogut.
“ShBA do të jetë pjesë aktive e dialogut. Ne besoj që kemi luajtur rol të rëndësishëm në dialog. Çfarëdo që të jetë modeli fazës së re të bisedimeve, ne do të jemi pjesë e dialogut”, ka theksuar ambasadori amerikan në emisionin ‘Click’ të Rtv 21.

Delawie ka thënë se lëvizja e ngadalshme për kufirin dhe për luftimin e korrupsionin i komplikon marrëdhëniet e Kosovës me partnerët e saj.

“Çështja e kufirit është zvarritur shumë. Kjo çështje e vogël ka thithur shumë energji. Trajtimi i korrupsionit është çështje për të ardhmen e Kosovës në BE”, ka thënë Delawie.

Madje ai ka thënë se sa më shumë pret Kosova për çështjen e kufirit aq më keq bëhet për Kosovën, jo vetëm për integrimin në BE dhe për liberalizimin e vizave.
Ai ka folur edhe për Gjykatën Speciale duke thënë se ajo nuk po bëhet për të treguar nëse UÇK ishte e mirë apo e keqe.

“Gjykata Speciale është e rëndësishme për Kosovën, nuk është për UÇK-në nëse është e mirë apo e keqe por për ndjekjen penale të individëve që kanë kryer krime kundër individëve të tjerë”, shtoi Greg Delawie.

Nuk u la pa u përmendur as ndotja e ajrit në Prishtinë, temë e cila është përfolur shumë gjatë javëve të fundit.

Ambasadori amerikan theksoi se aktivizmi i shoqërisë civile në këtë çështje ishte shumë i rëndësishëm.

“Ndryshimin shoqëror e bën aktivizmi shoqëror, aktivizmi shoqëror u tregon politikanëve se cilat janë çështjet më të rëndësishme me të cilat duhet të merren”, ka thënë Delawie.

Ai ka shtuar se problemi i ndotjes nuk është problem që mund të zgjidhet brenda natës.

“Si problemet e tjera nëse nuk filloni të zgjidhni, nuk do të zgjidhen, por mendoj që është e rëndësishme që shoqëria civile të mos i lë politikanët ta harrojnë këtë çështje”, ka përfunduar Delawie në “Click”.

 

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400