Deliu: BE të reagoj për ndalesën që Serbia ua bëri deputetëve dhe karateistëve

15:21 / E mërkure, 09 Maj 2018

Deputetja e Kuvendit të Kosovës, Blerta Deliu ka reaguar ndaj vendimit të Kuvendit të Serbisë për t’ia mohuar të drejtën për të marr pjesë në një konferencë të organizuar nga Kryetari i Komisionit për Integrime i Kuvendit të Serbisë, Nenad Canak.

Ajo në një postim në Facebook ka shkruar se veprimi i Serbisë po e zbeh entuziazmin e ruajtjes së frymës së bashkëpunimit mes vendeve të Ballkanit Perëndimor.

Ky është postimi i Deliut:

Vendimi i Kuvendit të Serbisë për të tërhequr ftesën për pjesëmarrje në Konferencën e organizuar nga Kryetari i Komisionit për Integrime i Kuvendit të Serbisë z. Nenad Canak tregon qartë se pushteti serb nuk është i gatshëm të shkëputet nga e kaluara për t’u orientuar në drejtim të asaj për të cilën BE-ja është duke u angazhuar fuqishëm e që është demokracia, zhvillimi dhe fqinjësia e mirë. Duke iu nënshtruar presioneve dhe kërcënimeve të individëve të dënuar për krime lufte dhe gjenocid si Vojvlav Shesheli, po dëshmohet qartë që persona të tillë përcaktojnë ende agjendat dhe janë faktor i politikbërjes së një shteti që po e negocion anëtarësimin në BE

Kosova si shtet, ka dëshmuar gjithmonë se është e orientuar kah fqinjësia e mirë.
Sot në Ditën e Evropës kërkojmë nga përfaqësuesit e Institucioneve të Bashkimit Evropian, të reagojnë kundër këtij akti – më tepër duke pas parasysh edhe faktin që po i njëjti shtet sot i ndaloi edhe karateistet kosovar pa asnjë bazë te marrin pjesë në kampionatin evropian në Novi Sad.
Veprimi i fundit i Serbisë zbeh entuziazmin e ruajtjes së frymës së bashkëpunimit të shteteve të Ballkanit Perëndimor për të ecur bashkërisht drejt Integrimit Evropian.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400