Detajet e shpërthimit në banesën e drejtorit të burgjeve

23:48 / E premte, 20 Prill 2018

Një sasi lëndë plasëse shpërtheu mbrëmjen e sotme në banesën e Nazmi Demerxhiu, Drejtor i Paraburgimit në Drejtorinë e Përgjithshme të Burgjeve. Ngjarja ndodhi në afërsi të fshatit Ahmetaq të Fushë Krujë.
Eksplozivi shpërtheu jashtë banesës së tij, ndërsa gjatë shpërthimit e gjithë familja ka qenë në banesë, por nuk raportohet për persona të lënduar por vetëm për dëme materiale.

“Grupi hetimor ndodhet në vendngjarje dhe po punon për sqarimin dhe zbardhjen e plotë të rrethanave të ngjarjes”, tha Policia.

Në vitin 2010 Nazmi Demerxhiu ka qenë i dënuar, i akuzuar për shpërdorim i detyre, pasi në këtë periudhë kur ai ka qenë Drejtor në Burgun e Lezhës, është arratisur një i burgosur, Admir Tafili, i cili kishte përfituar nga leja disaorëshe që i ishte dhënë nga burgu i Shënkollit në Lezhë.

Por më pas, ai është shpallur i pafajshëm nga Prokuroria dhe është lënë i lirë.

 

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400