‘Dorëzohet’ shteti, flamuri i Kosovës vendoset në nji tjetër rreth!

14:51 / E martë, 13 Shkurt 2018

 

Shteti kosovar duket se po dorëzohet para debatit rreth heqjes së flamurit kombëtar që valon në rrethin e famshëm afër spitalit.

Kështu thonë nga Protokolli i shtetit që asht në kuadër të Ministrisë së Jashtme, të cilët sqarojnë se janë dy opcione rreth çashtjes së flamurit.

Drejtori i Protokollit, Orhan Hajrizi ka thanë se ekzistojnë dy opcione.

I pari asht vendosja e dy flamujve afër njani-tjetrit, dhe tjetri që ka ma shumë gjasë me ndodhë, asht vendosja e flamurit shtetnor te rrethi që lidh rrugët magjistrale.

‘Janë dy opcione, opcioni i parë asht vendosja e të dy flamujve në të njjtin vend dhe opcioni tjetër, te rrethi tjetër, me gjasë ma të madhe me ndodhë, te Banesat e Arabëve atje që lidhet magjistralja’, ka thanë Hajrizi.

Ai ka konfirmue se flamuri kombëtar ka me vazhdue me qëndrue në vendin ku asht tash e sa vjet.

Qe disa ditë po kërkohet heqja e flamurit kombëtar dhe vendosja e atij shtetnor në rrethin e famshëm që tash po quhet ‘rrethi i flamurit’.

Por, kjo gja hasi në rezistencë edhe të disa aktivistëve të VV’s por edhe shumë qytetarëve të cilët kërkonin që flamuri kombëtar mos m’u largue.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400