E frikshme: Për dy muaj 143 femra u bënë viktima të dhunës në familje

15:34 / E mërkure, 14 Mars 2018

Vetëm dy muajt e parë të këtij viti (janar, shkurt 2018), 143 femra kanë denoncuar dhunën fizike në Policinë e Kosovës. Përderisa numri i përgjithshëm i rasteve të dhunës arrin shifrën e 175 rasteve, prej këtyre dy janë fëmijë.

Dhuna në familje vazhdon të jetë e pranishme në vendin tonë, sidomos ndaj gjinisë femërore. Vitin që e lamë pas dhunë fizike kanë përjetuar 958 femra, thotë policia.

“Viktima femra të dhunës në familje, gjatë vitit 2017 janë 958, në muajin janar–shkurt 2018 janë 143”, thuhet në një përgjigjje të Policisë së Kosovës, dhënë Gazetës Express.

Për këta dy muaj dhunë është ushtruar ndaj dy fëmijëve, ndërsa gjatë vitit 2017 janë 61 fëmijë viktima të dhunës në familje.

“Viktima fëmijë të dhunës në familje, gjatë vitit 2017 janë 61, në muajin janar–shkurt 2018 janë 2”, thotë policia.

Po ashtu numri i rasteve te dhunës në familje të raportuara ne Policinë e Kosovës gjatë vitit 2017 është 1269, në muajin janar –shkurt 2018 është  175 raste.

Policia thotë se këto raste shfaqen në të gjitha rajonet dhe shkaktarët janë të ndryshëm.

 

Të gjitha të drejtat janë të rezervuara © 2018 - Gazeta Infopress

Të fundit
Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400