EKSKLUZIVE: Kosova hyn në agjendën për pranim në INTERPOL (DOKUMENT)

12:25 / E enjte, 22 Mars 2018

Shteti i Kosovës shumë shpejtë mund të jetë pjesë e Interpolit nëse i siguron votat e mjaftueshme të shteteve anëtare. Sekretari i Përgjithshëm i Interpolit, Jurgen Stock e ka njoftuar ministrin e Punëve të Brendshme, Flamur Sefajn, se anëtarësimi i Kosovës ka hyrë në agjendën e INTERPOL’it -Policisë Ndërkombëtare. Gjithçka do të ndodhë në Dubai, në nëntor të këtij viti.

Në letrën njoftuese drejtuar ministrit të brendshëm të Kosovës, Stock, thotë se ndihet i nderuar që për këtë është diskutuar në Komisionin Ekzekutiv të Interpolit, i cili e ka pranuar aplikacionin e Kosovës.

Stock, në letër ka shprehur falënderim për interesin që sipas tij e ka dëshmuar Republika e Kosovës për t’iu bashkuar INTERPOLIT.

Vitin e kaluar autoritetet në Kosovë deklaruan se kishin hequr dorë nga anëtarësimi në Interpol, Asambleja e Përgjithshme e së cilës u mbajt në 26 deri 27 shtator 2017, për shkak se nuk kishte votat e mjaftueshme.

Kjo është letra e plotë e Sekretarit Të Përgjithshëm:

I nderuar ministër

I referohem aplikacionit në pritje për anëtarësim në Interpol nga Republika e Kosovës.

Jam i nderuar të ju njoftoj se Komisioni Ekzekutiv i Interpolit, në takimin më 6-8 mars, gjatë sesionit të 197’të, ka diskutuar aplikacionin për anëtarësim të Republikës së Kosovës në Interpol.

Në përputhje me dispozitat e artikullit të katërt të Kushtetutës së Interpolit dhe Rezolutës së Përgjithshme të Asamblesë GA-2017-86-RS-01, aplikacioni i Republikës së Kosovës për Interpol është vendosur që të shqyrtohet në axhendën e përkohshme të sesionit të 87’të të Asamblesë së Përgjithshme të Interpolit.

 

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400