Haxhilerët shqiptarë janë shëndosh e mirë në Mekë

08:49 / E mërkure, 22 Gusht 2018


Vedat Sahiti nga Bashkësia Islame e Kosovës ka njoftuar për gjendjen e haxhilerëve shqiptarë në Mekë për të cilët tha se janë në gjendje shumë të mirë, njofton Klan Kosova.

“Shëndeti i besimtarëve është shumë i mirë”, ka thënë Sahiti për Klan Kosovën.

“Nuk kemi asnjë humbje. S’kemi asnjë problem shëndetësor, disa të vogla”, ka thënë ai, por që sipas tij, falë ndihmës mjekësore nga tetë mjekët profesionistë të angazhuar nga BIK-u, gjithçka është në kontroll.

Sa i përket motit të përcjellë me erëra të forta, Sadiku ka thënë se në momentin kur ata kanë arritur atje, furtuna tashmë ishte qetësuar.

“Pasi kemi shkuar ne, vetëm sa është qetësuar ajo furtunë. S’kemi pasë asnjë problem falë Zotit”.

Sadiku ka thënë se këtë vit ka një rritje të konsiderueshme të numrit të haxhilerëve, dhe se mosha mesatare e tyre tanimë është dukshëm më e ulët.

Ai tha se ka një rritje të madhe edhe të interesimit të grave për ta plotësuar kushtin e pestë të fesë islame.

Ndërkaq, Sadiku njoftoi se grupi i parë dhe i dytë i haxhilerëve do të kthehen më 27 gusht, i treti më 29 gusht, ndërkaq grupet e fundit më 3 shtator.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400