Haxhiu flet për të dorëhequrit e VV-së: E kushtëzuan Kurtin

19:00 / E premte, 20 Prill 2018

 

Deputetja Albulena Haxhiu ka thënë se në Lëvizjen Vetëvendosje qëndron pasi aty mendon se është ‘vendi i duhur’. Thotë se nëse do të dorëhiqej nga kjo parti, do të lironte edhe postin e deputetes.
“Ata janë larguar nga Lëvizja Vetëvendosje, por është dëshmuar tash që nuk kanë dalë për shkak të çështjeve konceptuale, programore”.

“Arsyeja se pse janë tërhequr ka qenë personale”, vijoi mes tjerash Haxhiu.

“Domethënë ata s’kanë dashur që në krye të Lëvizjes Vetëvendosje të jetë Albin Kurti”.

“E kanë kushtëzuar. Mendoj që kanë gabuar”.

Ajo tregoi se vazhdojnë të kenë raporte dhe kontakte me Grupin e Deputetëve të Pavarur porse këto kontakte nuk janë si më parë.

“Duke pasur raporte miqësore brenda Lëvizjes Vetëvendosje vazhdojmë të kemi kontakte me ta”.

“Koordinohemi në Kuvend”.

“Jam në vendin e duhur. Vazhdoj që të jem pjesë e Lëvizjes Vetëvendosje”.

“Nëse unë do të veproja si këta, do të tërhiqesha nga posti i deputetit. Nuk do të mund ta mbaja një post që e kam fituar në emër të Lëvizjes Vetëvendosje”, theksoi ajo.

 

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400