Hoti premton autobusë të rinj urbanë edhe për 6 komuna tjera

17:17 / E mërkure, 11 Janar 2017

Ministri i Financave, Avdullah Hoti, i cili mori pjesë në përurimin e 15 autobusëve të rinj të Trafikut Urban në Prishtinë bashkë me kryetarin e Komunës së Prishtinës, Shpend Ahmeti, ka shprehur kënaqësinë e tij që pas një pune të gjatë, ia kanë dalë që qytetarëve të Prishtinës t’ju mundësohet një trafik urban më modern.

Hoti ka thënë se marrëveshja për Garanci Shtetërore, e cila është kërkuar nga “Trafiku Urban” dhe është negociuar nga ekipi i kryesuar nga Ministria e Financave, garanton kredinë që Trafiku Urban ka marrë për blerjen e 51 autobusëve.

“Kredia ka vlerë totale prej 10 milionë euro, me maturitet 12 vite, ku 2 vite janë grejs periudhë dhe 10 vite amortizim i kredisë. Interesi vjetor është 1% + Euribor 6-mujor, gjë që e bën këtë kredi mjaft të volitshme”, ka potencuar ministri i Financave, raporton Koha.net.

Ndërkaq, ai ka premtuar se projekte të tilla, Qeveria dhe Ministria që ai drejton do të përkrahin edhe në 6 qendra tjera të Kosovës.

“Qeveria e Kosovës dhe Ministria e Financave do të mbështesë projekte të tilla edhe në qendrat e tjera të Kosovës, Prizren, Pejë, Gjilan, Ferizaj, Gjakovë dhe Mitrovicë”, ka përfunduar ai.

Të fundit
Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400