Hoti tregon sa i kushtuan autobusët Qeverisë

15:44 / E mërkure, 11 Janar 2017

 

Ministri i Financave Avdullah Hoti, përmes një postimi në rrjetin social Facebook, ka komentuar fillimin e qarkullimit të autobusëve në Prishtinë.

Hoti ka thënë se është i lumtur, derisa thotë se Ministria e Financave do të mbështes projekte të tilla në qendra të tjera të Kosovës.

Postimi i plotë:

Përurimi i autobusëve të rinj të Trafikut Urban Jam i lumtur që sot, pas një pune të gjatë, po arrijmë që qytetarëve të Prishtinës t’ju mundësojmë një trafik urban më modern. Marrëveshja për Garanci Shtetërore, e cila është kërkuar nga “Trafiku Urban” dhe është negociuar nga ekipi i kryesuar nga Ministria e Financave, garanton kredinë që Trafiku Urban ka marrë për blerjen e 51 autobusëve. Kredia ka vlerë totale prej 10 milionë euro, me maturitet 12 vite, ku 2 vite janë grejs periudhë dhe 10 vite amortizim i kredisë. Interesi vjetor është 1% + Euribor 6-mujor, gjë që e bën këtë kredi mjaft të volitshme.  Qeveria e Kosovës dhe Ministria e Financave do të mbështesë projekte të tilla edhe në qendrat e tjera të Kosovës, Prizren, Pejë, Gjilan, Ferizaj, Gjakovë dhe Mitrovicë.

Të gjitha të drejtat janë të rezervuara © 2017 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400