Institucionet e Kosovës aktive kundër radikalizmit fetar, MPB-ja së shpejti me njësi të veçantë

16:04 / E enjte, 24 Maj 2018

Lufta për integrimin dhe rehabilitimin e personave të kthyer nga luftërat e huaja në Kosovë do të marrë mbështetje edhe me të fortë institucionale.

 E kjo në kuadër të një njësie të veçantë e cila do të formohet nga Ministria e Punëve të Brendshme të Kosovës e cila do të mirret deradikalizimin e këtyre personave, shkruan lajmi.net.

Këtë e bëri të ditur gjatë ditës së djeshme edhe Ministri i Punëve të Brendshme, Bejtush Gashi, i cili tha se për të tilla projekte e kanë edhe mbështetjen e institucioneve ndërkombëtare, si dhe përvojën e tyre.

E kjo njësi, do të formohet në kuadër të programeve të kësaj ministrie.

Zëvendësministri i Brendëshëm, Isa Xhemajlaj, tha sot për lajmi.net se në kuadër të programeve që ka ministria e Brendshme, ekzistojnë strategjitë e ekstremizmit dhe terrorizmit.

Xhemajlaj po ashtu bëri të ditur se në kuadër të këtyre strategjive, parashihet edhe mbajtja e ligjëratave për deradikalizimin, si dhe veprimet e mëtutjeshme në këtë drejtim.

“Këto janë programe që ndërtohen në kuadër të Ministrisë së Punëve të Brendshme, dhe në kuadër të këtyre programeve janë strategjitë e ekstremizmit dhe të terrorizmit, si të tilla këto parashohin mbajtjen e ligjëratave për deradikalizimin dhe në kuadër të këtyre dy strategjive parashihet se cka do të veprohet me to”, u shpreh Xhemajlaj.

Ndryshe, në kuadër të deradikalizimit të personave të kthyer nga luftërat e huaja, në bazë të një memorandum të nënshkruar nga Ministria e Drejtësisë dhe Bashkësisë Islame të Kosovës, parashihen edhe ligjëratat nëpër burgjet e Kosovës nga imamë të verifikuar nga Agjencia Kosovare e Intelegjencës.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400