Jevtiq: Serbët e Kosovës po plaçkiten me qëllim që t’i braktisin pronat e tyre

15:14 / E hëne, 21 Maj 2018

Ministri për Komunitete dhe Kthim, Dalibor Jevtiq ka thënë se vjedhjet e pasurisë nëpër fshatrat serbe në muajt e fundit po e ndalojnë kthimin dhe po ushtrojnë presion mbi serbët e mbetur për t’u larguar.

 ‘B92’ shkruan se pas grabitjeve të fundit në fshatrat Babimocë dhe Milloshevë, Jevtiq thotë se familjet e dëmtuara rrallë i raportojnë rastet në polici.

Sipas tij, ata kanë humbur shpresën se autorët e krimit do të sillen para drejtësisë dhe do të dënohen, përcjell lajmi.net.

“Në mënyrë që besimi i ndërsjellë ndërmjet dy popujve serb dhe shqiptar por edhe besimi tek institucionet të jetë në baza të forta, Policia e Kosovës dhe sistemi i drejtësisë duhet më shumë të aktivizohen në ndalimin e këtyre akteve”, ka thënë Jevtiq.

Jevtiq ka theksuar se këto veprime sjellin dëme të mëdha në procesin e kthimit dhe mbetjes së popujve joshumicë në Kosovë.

Ai ka shtuar se serbët janë të gatshëm të qëndrojnë në pronat e tyre dhe se Ministria e Komuniteteve dhe Kthimit me kapacitetin e tyre do t’i ndihmojë ta arrijnë këtë qëllim.

“Kërkoj, nuk e di për të satën herë që edhe institucionet tjera në Kosovë të përfshihen në atë që është interes i shoqërisë kosovare, siç është paqja, stabiliteti dhe sundimi i ligjit”.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400