Kërkohet Paraburgim për Lutfi Dervishin

17:15 / E mërkure, 11 Janar 2017

Përfundoi seanca e caktimit të masës së sigurisë për Lutfi Dervishin.

 Seanca e caktimit të masës së sigurisë për urologun Lutfi Dervishi ka përfunduar, ndërsa tash pritet vendimi i gjykatës.

Në seancën e sotme që u mbyll për medie nga gjyqtarja e EULEX-it Maria Tuma, prokurori Charles Hardaway kërkoi paraburgim për të akuzuarin e rastit “Medikus”.

Kërkesën për paraburgim Hardaway e arsyetoi me rrezikun e ikjes së Lutfi Dervishit, po të ndodhej ai në liri.

Urologu Lutfi Dervishi u arrestua dje pas disa muajsh arratie, vetëm disa ditë pasi  Gjykata Supreme e ktheu në rigjykim Rastin “Medikus”, edhe pse dënimet e themelores për këtë rast ishin vërtetuar edhe nga apeli.

 

Valon Hasani, avokati i Lutfi Dervishit arrestimin e të mbrojturit të tij e konsideroi të paligjshëm.

Sipas Hasanit urdhëresa në bazë të së cilës është arrestuar Dervishi, është anuluar nga Gjykata Supreme.

Urologu Lutfi Dervishi ishte dënuar në vitin 2013 me 8 vjet burg nga Gjykata Themelore e Prishtinës nën akuzën për krim të organizuar dhe trafikim me qenie njerëzore, ndërsa këtë vendim ia vërtetoi në vitin 2016 edhe Gjykata e Apelit.

Të fundit
Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected]ss.com, Tel: +386 49 102 742, +377 44 587 400