Komisioni Evropian dërgon gjashtë vende në gjyq për ndotje të ajrit

15:24 / E enjte, 17 Maj 2018

Komisioni Evropian ka bërë të ditur se do të dërgoj Gjermaninë, Francën dhe katër vende të tjera në gjykatën më të lartë, për shkak të bllokimit në përmbushjen e standardeve të BE-së për cilësinë e ajrit.

 Vendimi erdhi pasi komisioni i Bashkimit Evropian u dha shancën e fundit në Janar gjashtë vendeve: Britanisë së Madhe, Italisë, Hungarisë, Romanisë, Gjermanisë dhe Francës për të ndërmarrë hapa në përmirësimin e cilësisë së ajrit.

Megjithatë, komisioneri i mjedisit i BE-së Karmenu Vella tha në një konferencë shtypi në Bruksel se vendet nuk arritën të veprojnë shpejtë.

“Komisioni duhej të konkludonte se masat shtesë të porpozuara nuk janë të mjaftueshme për të përmbushur standardet e cilësisë së ajrit sa më shpejtë të jetë e mundur. Si pasojë, komisioni ka vendosur t’i dërgojë këto gjashtë shtete anëtare në Gjykatën e Drejtësisë së BE-së”, tha Vella.

Gjykata e cila gjendet në Luksemburg mund të shqiptojë gjoba të rënda.

Vella i cili e quajti problemin e ndotjes “kërcënues për jetën”, tha se Brukseli kishte frikë se mund të përfundonte duke pritur disa vjet para se këto vende të vendosnin masat e duhura në përmirësimin e cilësisë së ajrit.

“Nuk mund të presim më”, shtoi ai.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400