Ky është pjesëtari i UÇK-së që e dizajnoi flamurin e Kosovës (Foto)

11:12 / E mërkure, 14 Shkurt 2018

 

Në kohën kur vendosja e flamurit të Republikës së Kosovës në hyrje të Prishtinës është temë diskutimi, flenë të përmendet se dizajnimin e po këtij flamuri e ka bërë një ish-ushtar i UÇK-së.

Është Muhamer Ibrahimi i cili e kishte fituar garën për dizajnimin e flamurit dhe të stemës së Republikës së Kosovës, me të cilat simbole edhe u shpall pavarësia e vendit.

Autori kishte dhënë sqarimet e tij se përse e kishte zgjedhur këtë dizajn.

Ai kishte theksuar se ngjyra e kaltër në flamurin e Republikës së Kosovës paraqet aspiratat e popullit të Kosovës për të ecur përpara drejt institucioneve euroatlantike, gjashtë yjet paraqesin komunitetet e barabarta të cilat jetojnë në vend, ndërsa për ngjyrën e arit të paraqitur në hartë, ka thënë se e ka për zemër.

Asokohe kryeministri i Kosovës, Hashim Thaçi, pas shpalljes së pavarësisë, autorin e kishte pritur në takim.

“Muhameri ka bërë një punë të mrekullueshme në atë konkurrencë të jashtëzakonshme profesionale. Ideal i luftës për liri tash po ngadhënjen edhe në betejën për dizajnimin e shtetit të pavarur dhe sovran të Kosovës”, kishte deklaruar Thaçi.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400