Lekaj i përgjigjet Topallit: Sonte në natë Bajrami, do jesh në Ferizaj për 20 minuta

16:14 / E enjte, 14 Qershor 2018

 

Deputeti i Partisë Socialdemkrate (PSD), Faton Topalli në seancën e sotme plenare ka thumbuar ministrin e Infrastrukturës, Pal Lekajn.

Topalli i cili kishte planifikuar t’i bënte një pyetje parlamentare Lekajt, ka arsyetuar mungesën e ministrit në seancë, transmeton Indeksonline.
Deputeti Topalli tha se Lekaj ndoshta nuk është prezent në Kuvendin e Kosovës për shkak se e ka lodhë muaji i Ramazanit, duke e ditur se ai nuk i takon komunitetit mysliman.

“Nuk e di ndoshta e kisha prit edhe ma tutje por ndoshta zotëri Lekaj nuk është këtu ndoshta e ka lodhë Ramazani”, ka thënë Topalli duke vazhduar më pas me një pyetje ndaj tij.

I menjëhershëm ishte reagimi i ministrit Lekaj, i cili i është përgjigjur Topallit përmes një statusi në Facebook.

Lekaj ka arsyetuar mungesën me pjesëmarrje në përurimin e segmentit të tretë të autostradës “Arbën Xhaferi”. Ai i ka thënë Topallit se sonte në natë Bajrami do të jetë në shtëpi për 20 minuta përmes autostradës së re.

Më poshtë postimi i Lekajt:

Deputet i nderuar, Faton!

Në këtë natë Bajrami, pas përfundimit të seancës, në qytetin tënde në Ferizaj do të jesh për 20 minuta, falë autostradës së re.

Ta rikujtoj që sot përuruam edhe pjesën e tretë të kësaj autostrade që vazhdon për në shtetin fqinj, Maqedoninë.

Mirëpres pyetjet e tua, të cilave do t’u përgjigjem me kënaqësi!

Udhë të mbarë dhe kujdes me shpejtësinë, miku im!

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400