Lirohen pengjet dhe arrestohet autori në Paris

22:32 / E martë, 12 Qershor 2018

Ka marrë fund një pengmarrje në Paris pasditen e sotme. Policët e armatosur kanë arrestuar pengmarrësin dhe kanë liruar dy pengje pas rrethimit të ndërtesës. Fillimisht u tha se ishin tre persona të marrë peng.

Zyrtarët u thirrën në vendin e ngjarjes në rrethin e 10-të të Parisit, ku pretendohej se një person ishte i armatosur me një bombë dhe një pistoletë dhe se kishte marrë peng disa persona përfshirë një grua shtatzënë.

Ministri i Brendshëm i Francës konfirmoi se ata ishin liruar të martën në mbrëmje.

Sipas policisë, një pengu iu hodh benzinë dhe u godit në fytyrë përpara se të arrinte të shpëtonte.

Pengjet e tjera gjithashtu mendohet se u është hedhur benzinë.

Një burim sigurie në vendngjarje tha se njeriu donte të fliste me ambasadën iraniane dhe qeverinë franceze.

 

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400