McAllister kërkon përshpejtim të dialogut Kosovë-Serbi

08:00 / E enjte, 14 Qershor 2018

Raportuesi i Parlamentit Evropian për Serbinë, David McAllister ka thënë se Serbia duhet gradualisht të harmonizojë politikën e saj të jashtme dhe të sigurisë me BE-në.

McAllister ka theksuar se dialogu Beograd-Prishtinë duhet të përshpejtojë punën në një fazë të re në mënyrë që të arrihet normalizimi i plotë.

Sipas tij, duhet të vendoset për një marrëveshje ligjërisht të detyrueshme, përcjell lajmi.net.

Këto vlerësime McAllister i ka publikuar në raportin e tij vjetor për Serbinë.

Në dokument zyrtari i BE-së ka përgëzuar presidentin serb, Aleksandar Vuçiq rreth iniciativës për të nisur dialogun e brendshëm për Kosovën.

Aty theksohet rëndësia e krijimit të Asociacionit të komunave serbe dhe kërkohet në mënyrë të përsëritur që të gjitha marrëveshjet të zbatohen.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400