Mediat serbe: Pacolli do të paguaj për lirimin e Haradinajt

09:57 / E enjte, 12 Janar 2017

 

Kryetari i Aleancës Kosova e Re dhe ish-presidenti i Kosovës, Behgjet Pacolli ka shprehur interesim që të paguaj për lirimin me kusht të kryetarit të Aleancës për Ardhmërinë e Kosovës, Ramush Haradinaj i cili u arrestua të mërkurën e kaluar nga autoritetet franceze.

Kështu të paktën raportojnë mediat serbe gjatë ditës së sotme.

Gazeta “Blic” sipas burimeve të saj ka thënë se biznesmeni kosovar i cili njihet si njeriu më i pasur në Kosovë, nuk ka kursyer paratë e tij për të ndihmuar në lirimin e Haradinajt, transmeton Indeksonline.

Sipas kësaj gazete, Pacolli ka paguar edhe grupe të cilat po lobojnë për lirimin e Haradinajt, duke nisur edhe një fushatë mediale në favor të tij.

Arrestimi i Haradinajt, si duket e ka mërzitur shumë Pacollin,  i cili dy ditë pas arrestimit kërkoi një protestë paqësore në mbështetje të Haradinajt.

Të fundit
Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400