Minatorët dhe menaxhmenti i ”Trepçës” futen në grevë

19:11 / E hëne, 18 Qershor 2018
Minatorët e gjigantit metalurgjik ”Trepça” kanë mbajtur këtë të hënë grevë njëorëshe në çdo njësi prodhimi e pune në këtë ndërmarrje publike.

Këtë e kanë konfirmuar sindikata dhe menaxhmenti i Trepçës, ndërsa theksohet se kjo protestë është kundrejt Draftstatutit i cili sipas tyre iu është imponuar nga Ministria dhe Qeveria.

”Kjo protestë e jona është kundrejt Draftstatutit të Trepçës i cili na është imponuar nga Ministria e Qeveria, pa përfshirë vërejtjet e kërkesat tona si dhe bordi i emëruar nga qeveria ka votuar e po voton pa kuorum e në shpërfillje të kërkesave tona. Ai Draftstatut që u miratua nga qeveria dhe sot ishte për shqyrtim nga Komisionin parlamentar për Zhvillim Ekonomik, është i papranueshëm për punëtorët dhe menaxhmentin e Trepçës. Po ashtu sot, kryetari i Sindikatës z. Shyqyri Sadiku mori pjesë në mbledhjen e komisionit parlamentar për zhvillim ekonomik që u mbajt për shqyrtimin e draftstatutit të Trepçës. Kryetari paraqiti në këtë mbledhje qëndrimin e Sindikatës sa i takon statutit dhe sqaroi se pa vendosur listën e aseteve të Trepçës si pjesë e statutit dhe pa vendosur qartë të drejtat e punëtorëve Sindikata nuk do të ndalet”.

Sipas menaxhmentit greva e minatorëve do të vijojë edhe nesër në të njëjtën periudhë kohore.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400