Ministri i Financave thotë se çështja e rritjes së pagave duhet të rregullohet me ligj

19:23 / E mërkure, 14 Shkurt 2018

 

Ministri i Financave, Bedri Hamza, ka folur sot rreth moszbatimit të vendimit të kryeministrit Ramush Haradinaj për rritjen e pagave për qeveritarët.
Në një konferencë për media, të mbajtur me rastin e vizitës së zëvendësdrejtorit menaxhues të Fondit Monetar Ndërkombëtar (FMN), Tao Zhang, Hamza ka thënë se “duke respektuar në plotësi rëndësinë e Gjykatës Kushtetuese, ky vendim nuk ka prodhuar efekt financiar”.

“Ky vendim nuk është zbatuar në dhjetor e as në janar. Tani është pezulluar vendimi deri të qartësohet situata”, ka shtuar Hamza.

“Pagat e qeverisë janë caktuar me vendim. Qëndrimi im është që kjo cështje të rregullohet me ligj. Ka anomali brenda nivelit të pagave prej atyre që marrin pagë nga shteti”, ka vlerësuar ministri.

“Zgjidhja e duhur është miratimi i ligjit për reformë në administratë publike. Kjo situatë nuk zgjidhet me vendimi të Kushtetueses por me aprovim të ligjit për reformë në administratë publike”, ka thënë Hamza.

Sipas tij, shteti i Kosovës ka nevojë për sundim të ligjit, reforma në arsim dhe shëndetësi.

 

Të gjitha të drejtat janë të rezervuara © 2018 - Gazeta Infopress

Të fundit
Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400