Molliqaj: Aida s’do të kalojë në PDK, por …!

19:38 / E martë, 13 Mars 2018

Sot në media u raportuar për një takim të dy nënkryetarëve të Kuvendit të Kosovës, Xhavit Haliti dhe Aida Dërgutit.

Por, Kuvendi përmes një njoftimi sqaroi takimin e dyshes, duke thënë se kanë pirë kafe derisa po prisnin të aplikojnë për vizë britanike.

Madje, në media u përfol se Aida Dërguti e cila javë më parë ka dhënë dorëheqje nga Vetëvendosja do të kaloj në PDK.

Mirëpo, këtë e ka demantuar deputeti i Kuvendit, Dardan Molliqaj. Ai në një postim në Facebook ka shkruar se Aida nuk do të kalonte kurrë në PDK.

Sipas tij, ajo ka luftuar gjithmonë kundër krimit dhe korrupsionit, prandaj një gjë e tillë do të ishte e pamundur.

Ja postimi i Molliqajt:

Aida Dërguti që jetën ia kushtoi çlirimit dhe zhvillimit të vendit tonë, prej angazhimit në UÇK e deri sot, vazhdon të jetë një prej njerëzve që nuk do të ndalen në përpjekjen kundër krimit dhe korrupsionit në Kosovë.

E ata që i kanë hequr vijat e kuqe ndaj PDK-së kurse sot i akuzojnë shoqet e shokët e tyre më të mirë për tradhëti, nuk po bëjnë asgjë më shumë se sa që po e shpërfaqin hipokrizinë e tyre.

Por e ardhmja do ta dëshmojë se kush do të përfundojë tek PDK-ja. Definitivisht ajo nuk do të jetë Aida.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400