Mustafa kujton Enver Malokun: Po punohet për zbardhjen e vrasjes së tij

12:04 / E mërkure, 11 Janar 2017

 

Me rastin e 18-vjetorit nga vrasja e anëtarit të LDK-së, Enver Maloku, kryeministri Mustafa dhe anëtarët e kësaj partie, kanë bërë homazhe para lapidarit të Malokut, aty ku u vra, në lagjen “Bregu i Diellit”

Kryeministri i vendit Isa Mustafa bashkë me anëtarë të Lidhjes Demokratike të Kosovës, kanë bërë sot homazhe te lapidari i të ndjerit Enver Maloku në lagjen “Bregu i Diellit”, aty ku edhe u vra më 11 janar të vitit 1999.

Kryeministri tha se do të punojnë që të zbardhet vrasja e Enver Malokut dhe se fajtorët të dalin para drejtësisë.

Mustafa së bashku me familjarët e Enver Malokut, përkujtuan veprën e tij, për të cilin Mustafa tha se në kohë të vështira për kosovarët, ishte Enver Maloku i cili dha kontributin e tij për qytetarët e vendit.

“Ai është një prej figurave më të rëndësishme të shqiptarëve në Kosovë, sepse ai kontribuoi për çlirimin e pavarësisë së vendit”, ka thënë Mustafa.

Enver Maloku ishte udhëheqës i Qendrës për Informim, e cila gjatë viteve 90-a shërbente si Agjenci Kombëtare e Lajmeve. Maloku u vra më 11 janar të vitit 1999, teksa po kthehej në shtëpinë e tij në Prishtinë në lagjen “Bregu i Diellit”. Ai u vra nga persona ende të panjohur për drejtësinë kosovare.

Të gjitha të drejtat janë të rezervuara © 2017 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: info@gazetainfopress.com, Tel: +386 49 102 742, +377 44 587 400