Kreu i komunës së Pejës, Gazmend Muhaxhiri, është i ftuar në emisionin Pressing me Leonard Kerqukin në T7.
Gazmend Muhaxheri nuk mohon mundësinë e kandidimit për kryeministër të Kosovës. Por, synime të tilla nuk ka sa i përket kreut të LDK’së.

Por thotë se, edhe shefi i tij, Isa Mustafa, mund të synojë postin e ekzekutivit të vendit.

Gjithçka sipas Muhaxherit varet nga shëndeti i kryetarit të LDK’së.
“Nëse zgjedhjet janë shpejt besoj shëndeti nuk ia mundëson”, tha ai në Pressing në T7.

“Me përmirësimin e shëndetit ndoshta ai do të jetë kandidati për kryeministër”, theksoi ai.

Muhaxheri foli edhe për shëndetin e ish-kryeministrit i cili së fundi u kthye nga Gjermania ku ishte për tretman mjekësor.

“Është duke u përmirësuar. Ne shpresojmë që brenda 2-3 muajsh do të jetë në gjendje për me u kthyer në rolin e tij si kryetar i Lidhjes Demokratike”, tha Muhaxheri.

Të gjitha të drejtat janë të rezervuara © 2018 - Gazeta Infopress