Një makinë e errët e dyshimtë! Policia i vihet pas shqiptarit dhe e kap me…

10:16 / E diell, 14 Janar 2018

Do të kishte fituar 350 mijë euro nëse do të kishte shitur sasinë e drogës që policia gjeti në makinën që shqiptari drejtonte në Itali.

Policia atje vuri në pranga 38-vjeçarin me origjinë shqiptare me inicialet A.V, rezident në Vladarno, pasi u kap me 70 kilogramë marijuanë të fshehur në bordin e makinës. Policia e ndaloi atë gjatë kontrolleve të kryera në autostradë.

Ditët e fundit, policia kishte marrë sinjale se një person me nacionalitet shqiptar që banonte ne zonën e Firences, kishte udhëtuar në Italinë e Jugut me një makinë Renault Koleos ngjyrë të errët për të marrë një sasi të konsiderueshme droge të destinuar për tregun e provincës.

Për shkak të këtij informacioni që dispononte, policia italiane kreu patrullime të shumta në rrugët kryesore në jug të vendit që të çojnë në Firence.

Mbrëmjen e djeshme policia ra në gjurmë të këtij automjeti, ku bëri të mundur arrestimin e shqiptarit. Policia nuk e pati të vështirë të kuptojë për çfarë bëhej fjalë, pasi sapo ka nisur kontrollin e automjetit, shqiptari ka pranuar se në të kishte drogë.

Shqiptari u vu në pranga, ndërsa lënda narkotike dhe makina u sekuestruan nga autoritetet e shtetit fqinj.

 

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400