Pacolli e bën Ambasador në Gjermani vëllain e Armend Zemajt, Astritin

16:11 / E shtunë, 21 Prill 2018

Hashim Thaçi kishte graduar vëllain e Armend Zemajt, Astritin në vitin 2016 në pozitën e Zëvendësambsadorit në Ambasadën e Gjermanisë. Ndërkohë, Behgjet Pacolli e ka emëruar Ambasador. Këtë e ka bërë të ditur Pacolli kur ka falënderuar Astrit Zemën për angazhimin e tij për gjetjen dy fëmijëve kosovarë në Gjermani që u raportua se kishin humbur.

Zëvendëskryeministri Behgjet Pacolli e ka falënderuar  Astri Zemajn, tash ambasador,i cili sipas tij qëndroi në krye të detyrës që nga lajmi për moskthimin në shtëpi të dy fëmijëve kosovarë e deri në gjetjen e tyre.

Pacolli thotë se ai në vazhdimësi koordinohej me institiconet gjermane dhe ministrinë e Jashte të Kosovës.

“E falënderoj shumë Ambasadorin e Kosovës në Berlin z. Astrit Zemaj i cili pa lodhje qëndroi në krye të detyrës së tij në mënyrë dinjitoze. Nga momenti kur mori lajmin për mos kthimin në shtëpi (zhdukjen) e dy fëmijëve, qytetarë të Kosovës, e deri të gjetja e tyre, asnjëherë nuk u ndal, duke i koordinuar punët me institucionet gjermane dhe Ministrinë e Punëve të Jashtme të Kosoves. Ju përgezojë Ambasador”, ka shkruar Pacolli në fcb.

Por Express mëson se Behgjet Pacolli e kishte emëruar në pozitën e ambasadorit vëllain e deputetit të LDK’së në dhjetorin e 2017’ës, vetëm disa muaj pas formimit të Qeverisë Haradinaj.

Ndërkohë, ka nisur kthimi i ambasadorëve në Kosovë që u ka mbaruar mandati në shërbimin diplomatik. Në mesin e tyre janë ambasadorët në Turqi, Slloveni, Mbretëri e Arabisë Saudite, Britani, Maqedoni e Bullgari.

Nënshkrimi i Presidentit të Kosovës, Hashim Thaçi, ka bërë që tetë ambasadorë lirohet nga kjo detyrë nëpër shtetet përkatëse ku e kanë përfaqësuar vendin.

Ambasadorët të cilët janë liruar nga detyra janë Valdet Sadiku (Serbi); Edon Cana (Francë); Avni Spahiu (Turqi); Nexhmi Rexhepi (Slloveni); Rexhep Boja (Mbreteria e Arabisë Saudite); Lirim Grejçevci (Mbretëria e Bashkuar); Ylber Hysa (Maqedoni); Shpend Kallaba (Bullgari).

Kosova prej se ka shpallur pavarësinë shërbimin diplomatik e ka ndërtuar në shumicën e rasteve me staf diplomatik të ardhur nga partitë politike.

Edhe ambasadorët që do të kthehen në Kosovë, një pjesë e tyre, kanë qenë shërbëtor të partive aktuale politike në Kosovë.

Nuk dihet nëse ata do të zëvendësohen përsëri me të deleguar të partive politike në pushtet.

PDK, AKR e AAK kur kanë ndërtuar koalicionin qeveritar ishin marrë vesh edhe për pozitat diplomatike krahas dërgimit të njerëzve të tyre nëpër borde të ndërmarrjeve publike në Kosovë.

 

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400