Pacolli krenar me atë çka ka bërë gruaja e tij për Kosovën

15:49 / E enjte, 24 Maj 2018

Zëvendëskryeministri njëherit ministri i jashtëm, Behgjet Pacolli ka thënë se është krenar me gruan e tij, Mashan, për atë se çfarë ka bërë për Kosovën.

 Pacolli ka njoftuar në Facebook se gruaja e tij ka vendosur në vitrina të rëndësishme botërore piktorët e rinj të Kosovës, si dhe punën e grave të Krushës.

Postimi i plotë i Pacollit:

Gjithmonë jam ndjerë krenar, nga krejt çfarë ka bërë shoqja ime Masha për Kosovën. Heshturazi, pa bujë, pak nga pak, por cilësisht, ajo ka vendosur në vitrina të rëndësishme botërore piktorët e rinj të Kosovës, artizanatin e krahinave tona, punën e grave të Krushës, etj, apo ka mbajtur të gjallë emrin e Ibrahim Kodrës nëpërmjet fondacionit me emrin e tij.

Në këtë punë të madhe, ajo ka treguar dashurinë për Kosovën, atdheun e dytë që e ka adoptuar. Ka mësuar fëmijët tanë ta duan Kosovën dhe të lidhen me të. Ka bërë gjithçka i duhet Kosovës për të lartësuar imazhin e saj, ka bërë diplomaci kulturore. Kësisoj ka ndihmuar të rinjtë e talentuar dhe kreativë që duan hapësirë për idetë dhe veprat e tyre në tregun e madh të Europës dhe të krejt botës.

Sot puna e Mashës, e ministrisë së mjedisit, ministrisë së kulturës të Kosovës, e artistëve të tjerë që kanë bashkëpunuar në një projekt shumë krijues, do shpërfaqet në atë që është Vitrina Kryesore e Artit Europian dhe ndoshta dhe Botëror. Në Bienalen e Venecias për arkitekturë, sot Kosova do të paraqitet me një Instalacion mbresëlënës.

Në Qendrën Kulturore Evropiane në Venedik, nën përkujdesjen e fondacionit “Ibrahim Kodra Sëiss Foundation” te udhëhequr nga Masha, gjithashtu është hapur ekspozita me foto të Kosovës dhe me punimet artistike të artistëve të rinj duke përfshirë edhe fëmijët me autizëm, fëmijët nga SOS fshati dhe nga komuniteti rom.

Për më shumë do t’ju bëj me dije sot gjatë ditës.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400