Pence i kërkon Pakistanit që të bëjë më shumë në luftën kundër militantëve

10:58 / E diell, 18 Mars 2018

Nënpresidenti amerikan, Mike Pence i ka thënë kryeministrit pakistanez, Shahid Khaqan Abbasi se shteti i tij duhet të punojë bashkërisht me Shtetet e Bashkuara dhe të bëjë më shumë që të mposhtë talibanët dhe militatët e tjerë, ka njoftuar Shtëpia e Bardhë.

“Nënpresidenti Pence ka përsëritur kërkesën e presidentit Donald Trump se Qeveria e Pakinsitanit duhet të bëjë më shumë për të adresuar prezencën e vazhdueshme të talibanëve, rrjetit Haqqani dhe grupeve të tjera terroriste që operojnë në shtetin e tyre”, thuhet në njoftimin e Shtëpisë së Bardhë.

“Pakistani duhet të punojë së bashku me Shtetet e Bashkuara”, thuhet tutje në njoftim.

Në deklaratën e Shtëpisë së Bardhë, megjithatë nuk është thënë sakt se kur është ëshë zhvilluar takimi, por mediat kanë cituar burime, të cilat kanë thënë se takimi është mbajtur në rezidencën zyrtare të Pence në Uashington.

Burimet kanë thënë se Abbasi ka qenë në një vizitë private në Shtetet e Bashkuara dhe se takimi me Pence është bërë me kërkesën e kryeministrit pakistanez.

 

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400