Pendohet Bullgaria, ndryshon emrin e Maqedonisë

22:57 / E premte, 12 Janar 2018

 

Bullgaria do t’i referohet Maqedonisë si ish-Republika Jugosllave e Maqedonisë, gjatë presidencës gjashtë-mujore të BE-së në Sofje. Beta njoftoi të hënën, duke cituar faqen e internetit të Nova TV të Maqedonisë.
Raporti thotë se deklarata u bë nga ambasadori i Bullgarisë në Bruksel, Dimitar Chançev, i cili shpjegoi se ky ishte detyrimi i vendit të tij “pavarësisht se marrëdhëniet midis dy vendeve fqinje po përmirësohen, përfshirë një sesion të përbashkët të qeverive të tyre”.

“Edhe pse Bullgaria e ka njohur Maqedoninë me emrin e saj kushtetues (Republika e Maqedonisë), gjatë presidencës së BE-së ka detyrim t’i drejtohet Maqedonisë nën referimin e përkohshëm të IRJM-së,” citohet të ketë thënë Chançev.

BE dhe OKB e njohin vendin si IRJM.

Mosmarrëveshja prej dekadash midis Shkupit dhe Athinës, për çështjen e emrit mund të zgjidhet deri në mes të këtij viti, tha të shtunën kryeministri i Maqedonisë, Zoran Zaev.

 

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400