Policia e Shqipërisë ka konfiskuar 30 mijë euro

21:18 / E diell, 22 Korrik 2018

Policia e Shqipërisë i ka konfiskuar 37 vjeçarit mbi 30 mijë euro.

Policia e Shqipërisë, më saktësisht ajo e Fierit, ka arrestuar 37 vjeçarin me inicialet, K. B pasi nuk u ishte bindur urdhrave të policisë.

Sipas njoftimit të policisë, dy ditë më parë në një nga lagjet e Fierit, 37 vjeçari duke vozitur veturën e tij, nuk i është bindur urdhrave të policisë në një pikë kontrolli.

“Policia ka filluar ndjekjen e tij. Pas ndalimit, në makinën e të njëjtit janë gjetur dhe konfiskuar 30 mijë e 450 euro për të cilat i dyshuari nuk ka treguar origjinën e tyre”, thuhet në njoftimin e policisë.

Policia ka njoftuar se materialet i kanë kaluar Prokurorisë pranë Gjykatës së Shkallës së Parë në Fier për veprat penale, “Pastrimi i produkteve të veprës penale” dhe “Mosbindja ndaj urdhërit të punonjësit të policisë së rendit publik” parashikuar nga Nenet 287 e 242 të Kodit Penal.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400