Policia interviston 4 të dyshuar për djegien e flamurit të Kosovës

22:19 / E mërkure, 14 Shkurt 2018

 

Pas publikimit të një video-incizimi në rrjetet sociale, në të cilin shihen disa persona duke e djegur flamurin e Kosovës në shenjë pakënaqësie me heqjen e flamurit kombëtar te “Rrethi i Flamurit” në Prishtinë, Policia ka ndërmarrë masat e nevojshme për të gjetur përgjegjësit.
Rasti i djegies së flamurit ishte shënuar diku në Gjilan. Dhe, Policia Rajonale e Gjilanit pas hetimeve të bëra ka arritur të identifikojë të dyshuarit, të cilët i ka intervistuar.

Lajmin për intervistimin e të dyshuarve e konfirmoi për KALLXO.com zëdhënësi i Policisë së Rajonit të Gjilanit, Ismet Hashani.

“Po janë kryer intervistat me katër persona. Pastaj prokurori i shtetit ka urdhëruar që ndaj këtyre katër personave të hapet rast “prishje e rendit dhe qetësisë publike”, pasi që besohet se ata në bashkëveprim në një lokal mbrëmë në qytetin e Gjilanit kanë djegur një flamur shtetëror të Republikës së Kosovës, pastaj këtët akt e kanë incizuar dhe shppërndarëpërmes mediave elektronike. Rasti procedohet në gjykatë në procedurë të rregullt”, tha Hashani.

Mbrëmë në një situatë të tensionuar, në Prishtinë, është hequr flamuri kombëtar dhe është vendosur flamuri i Kosovës në hyrje të qytetit.

Heqja e flamurit kombëtar dhe zëvendësimi i tij me atë shtetëror, ka ngjallur polemika se a do të duhej apo jo të ndodhte një gjë e tillë.

 

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400