Presidenti slloven e befason Albin Kurtin, e thërret në takim

16:43 / E martë, 13 Shkurt 2018

 

Presidenti slloven, Borut Pahor, e ka befasuar liderin e Vetëvendosjes Albin Kurti në takimin që e kanë zhvilluar sot. Së bashku, ata kanë diskutuar për situatën politike dhe ekonomike në Kosovë.
Siç njofton VV, theks i veçantë iu dha edhe gjendjes e raporteve në rajonin e Ballkanit Perëndimor, si dhe bashkëpunimit të ndërsjellë politik e ekonomik dhe integrimit të rajonit.

Postimi i plotë në Facebook:

Delegacioni i Lëvizjes VETËVENDOSJE! takohet me presidentin slloven

Delegacioni i Lëvizjes VETËVENDOSJE!, i përbërë nga Kryetari, Albin Kurti, Nënkryetarja, Fatmire Mulhaxha-Kollçaku, Kryetari i Grupit Parlamentar, Glauk Konjufca dhe Deputetja, Arbërie Nagavci, u takuan sot me Presidentin e Republikës së Sllovenisë, Borut Pahor, i cili ishte i shoqëruar nga Sekretari shtetëror në Ministrinë e Punëve të Jashtme, Iztok Mirošič, Ambasadori i Sllovenisë në Kosovë, Bojan Bertoncelj, Shefja e Kabinetit të Presidentit, Alja Brglez, si dhe këshilltarët, Ernest Petrič dhe Špela Vovk.

Në këtë takim miqësor u bisedua për situatën politike dhe ekonomike në Kosovë, të arriturat e shtetit të ri të Kosovës në vigjile të 10 vjetorit të shpalljes së pavarësisë, si dhe fushat në të cilat Kosova ka nevojë të koncentrojë përpjekjet për zhvillim.

Theks i veçantë ju dha edhe gjendjes e raporteve në rajonin e Ballkanit perëndimor, si dhe bashkëpunimit të ndërsjellë politik e ekonomik dhe integrimit të rajonit në struktura euro-atlantike. Marrëdhëniet në mes të Kosovës dhe Sllovenisë u cilësuan si shumë të mira dhe nga të dy palët u shpreh besimi se këto marrëdhënie mund e duhet të avansohen edhe më shumë.
Lexo më shumë në: http://www.gazetaexpress.com/lajme/presidenti-slloven-e-befason-albin-kurtin-e-therret-ne-takim-499212/?utm_source=referral&utm_medium=web&utm_campaign=copyright

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400