Qeveria e Haradinajt i përgjigjet “kokëfortësisë” së kryeministrit të Malit të Zi

19:48 / E enjte, 12 Tetor 2017

Kryeministri malazez, Dushko Markoviq i kishte tërhequr vërejtjen Qeverisë së re të Kosovës për çështjen e shënjimit të vijës kufitare me Malin e Zi. Ai i ka kujtuar kryeministrit Ramush Haradinaj njohjen e menjëhershme që i kishte bërë Kosovës, andaj edhe i ka kërkuar të tregohet i përgjegjshëm për demarkacionin.

Ndërkohë, është Qeveria e “Haradinaj” ajo që tashmë ka formuar një komision të ri për t`u marrë me këtë çështje, meqë vet kryeministri vazhdon të deklarohet se kufiri është në Kullë dhe Çakorr.

Megjithatë, prishja e marrëdhënieve mes Kosovës dhe Malit të Zi nuk mund të shihet si opsion. Kështu është deklaruar për “Indeksonline”, drejtori për Informim në Zyrën e Kryeministrit, Halil Matoshi.

“Jo nuk mund të ketë ftohje marrëdhëniesh, sepse Kosova është e përkushtuar që kontestet të zgjidhen konform Kushtetutës, normave dhe të drejtës ndërkombëtare. Republika e Malit të Zi është sovrane në vendimet e veta dhe në këtë kontekst duhet të shihen opinionet e politikanëve malazias. Çështja e demarkacionit nuk është proces i përfunduar nëse njëra nga palët e marrëveshura nuk e ka ratifikuar”, ka thënë ai.

I pyetur nëse ekziston mundësia që demarkacioni të hiqet si kusht për liberalizimin e vizave, Matoshi nuk ka dhënë përgjigje konkrete.

“Institucionet kosovare janë në dialog permanent dhe për të gjtha çështjet me Brukselin zyrtar”, është shprehur ai.

Ndryshe, liderët e Malit të Zi tashmë demarkacionin e kanë quajtur “punë të kryer”

Të gjitha të drejtat janë të rezervuara © 2017 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400