Rama, Merkel, May dhe Erdogan e përcjellin bashkë gjysmëfinalen dramatike /VIDEO

23:53 / E mërkure, 11 Korrik 2018
Liderët e shteteve anëtare të NATO-s që po marrin pjesë në Samitin e NATO-s në Bruksel kanë gjetur kohë për ta përcjellë gjysmëfinalen dramatike mes Kroacisë dhe Anglisë.

Në një video të postuar nga kryeministri shqiptar Edi Rama, shihet vetë Rama bashkë me kancelaren gjermane Angela Merkel, kryeministren britanike Theresa May si dhe presidentin turk Recep Tayyip Erdogan teksa shohin gjysmëfinalen në një telefon të mençur.

Pa dyshim se Theresa May duhet të ketë patur më shumë emocione pasi në gjysmëfinale ishte Kombëtarja e vendit të saj, që humbi kundër Kroacisë, në vazhdime, me rezultat 2:1, njofton Klan Kosova.

Madje gjatë videos, kryeministrja britanike njoftohet se referi që po e gjykon këtë përballje Angli-Francë është i nacionalitetit turk.

Por, një moment edhe më interesant është kur gjithçka merr fund dhe Kroacia e siguron vendin në Finalen e Botërorit 2018 dhe të pranishmit e “ngushëllojnë” Theresa May për humbjen.

Madje Rama i thotë se “Kupa e Botës do të vijë në Ballkanin Perëndimor”.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400