Sekseri i Policisë ua siguroi vizat hungareze dy ish-anëtarëve të OShP-së

09:19 / E premte, 18 Maj 2018

Sekseri Rrahim Hashimi, i cili po akuzohet nga Prokuroria e Shtetit për mbylljen e hetimeve me para në Policinë e Kosovës ka pasur ndikim të madh edhe në Ambasadën e Hungarisë. Ai akuzohet se prej vitit 2009 deri në vitin 2017 ka pasur mundësi t’u sigurojë qytetarëve të ndryshëm viza pa u paraqitur ata fare në Ambasadë, shkruan sot Koha Ditore.

Dy nga përfituesit e vizave pa u paraqitur fare në Ambasadë ishin dy anëtarët e Bordit të Organit Shqyrtues të Prokurimit (OShP), Ekrem Salihu e Tefik Sulejmani, të cilët aktualisht janë duke u përballur në gjykatë me një aktakuzë për korrupsion.

Prokuroria ka fakte se sekseri Hashimi kishte udhëtuar së bashku me ish-shefin e Krimeve Ekonomike Emin Beqiri për në Hungari e dëshmitarët e Prokurorisë kanë deklaruar se ata pasi kanë dëgjuar se Hashimi ia ka rregulluar vizën drejtorit të Krimeve Ekonomike, i kanë besuar Hashimit për ndikimin e tij në Ambasadën hungareze.

 

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400