Shenjëtari 78 vjeç i cili ende nuk e ka humbur shenjën

23:35 / E shtunë, 17 Shkurt 2018

 

Rastësisht kishte qëlluar të shihte stërvitjet e shenjëtarëve të Kosovës, në fshatin e tij të lindjes në Llukar. Nga kureshtja u kishte kërkuar atyre që ta sfidonte vetën në këtë sport dhe që në herën e dytë kishte qëlluar cakun.

Kështu nis historia e njeriut që në jetën e tij mori dhjetëra medalje të arta, të argjendta e të bronzta, Ali Pllana. Për herë të parë, ai mbajti armë në duar kur ishte 5-vjeçar, raporton KTV.

Ali Pllana arriti të shpallej disa herë kampion në disa gara të shenjëtarisë, që ishin mbajtur në Kosovë nga viti 1987 e këtej.

Pllana kishte arritur të shpallej kampion dhe nënkampion edhe në kohën e ish-Jugosllavisë.

Pllana, edhe pse ka mbushur 78 vjet, ka ende forcë të gjuajë me pistoletë apo pushkë. Thotë se nuk e ka humbur shenjën.
11 armë i kishte marrë dhuratë gjatë garave të ndryshme, por tash nuk e ka asnjërën.
Historinë e konfiskimit të tyre nga policia serbe e ka të vështirë ta rrëfejë.

Dhjetëra medalje e certifikata i vendos me kujdes në një tavolinë të vogël në shtëpinë e tij. Disa thotë se ia vodhën.

Në mesin e tyre i ka edhe ato që i mori si kampion i Atletikës në disiplinën e vrapimit.
Kosova po digjej anekënd por kryeqyteti ende nuk ishte përfshirë direkt në luftë dhe Pllana me ndihmën e një miku të tij shkoi në zonën e Llapit.
Ai thotë se snajperët e UÇK-së ishin tërësisht të çakorduar.
Por kjo vizitë i kushtoi atij me plagosje në këmbë.
Nuk do që shteti ta shpërblejë për kontributin në luftë, pasi thotë se atë e bëri në mënyrë vullnetare.
Në 2016, Kosova u përfaqësua në Rio me shenjëtaren Uratë Bajrami, e cila përfundoi në pozitën e 48-të nga 51 garuese sa ishin.
Pllana thotë se rezultati megjithatë ishte i pritur sepse në Kosovë nuk është investuar në këtë sport.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400