Shpend Ahmeti “e jep” edhe kryesuesin, Agim Kuleta i LB-së do ta drejtojë Kuvendin Komunal

00:01 / E shtunë, 13 Janar 2018

 

Lëvizja për Bashkim dhe Shpend Ahmeti si kryetar i Prishtinës dhe nënkryetar i Lëvizjes Vetëvendosje kanë arritur sonte marrëveshje për bashkëqeverisje.

Burime të lajmi.net thonë se nga kjo marrëveshje Lëvizja për Bashkim do ta udhëheqë Kuvendin Komunal.

“Agim Kuleta do të jetë kryesues i Kuvendit Komunal”, kanë thënë këto burime.

Lëvizja për Bashkim i ka dy asambleistë në Kuvendit Komunal të Prishtinës. Me këtë marrëveshje, Shpend Ahmeti tashmë e ka shumicën në Kuvendi pasi që më herët kishte bërë marrëveshje me AKR-në dhe AAK-në.

Opozitë edhe këtë mandat do të jenë LDK dhe PDK.

Megjithatë, pas kësaj marrëveshje, Lëvizja Vetëvendosje humb edhe një pozitë të rëndësishme në drejtimin e Komunës së Prishtinës. Pasi që nënkryetari është i AKR-së (Selim Pacolli), edhe kryesuesi i Kuvendit Komunal vjen nga një parti tjetër.

Po ashtu edhe AAK-ja ka marrë hise të madhe në qeverinë e kryeqytetit, duke i drejtuar tri Drejtori.

Shpend Ahmeti kishte hyrë në zgjedhjet lokale për të parin e Prishtinës me idenë që “t’i marrte edhe krahët” dhe Vetëvendosje ta kishte shumicën edhe në Kuvendin Komunal. Megjithatë, figurativisht mund të thuhet se Ahmeti tash “ka mbetur edhe pa duar”!, shkruan lajmi.net.

Të kujtojmë se Lëvizja Vetëvendosje dhe Lëvizja për Bashkim vite më parë kishin hyrë në Kuvendin e Kosovës si grup i përbashkët parlamentar, për t’u ndarë më pas për shkak të problemeve me ndarjen e buxhetit që KQZ-ja e ndanë për partitë parlamentare.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400