Shqiptarët po punojnë me të madhe në Serbi

13:29 / E martë, 17 Prill 2018

Në një intervistë të gjatë televizive, presidenti serb Aleksandar Vuçiq ka folur mbi punësimin në Serbi, duke deklaruar se gjithnjë e më shumë po punësohen shqiptarë.

“Vendi po përballet tashmë me mungesë të forcës së punës dhe pse shumë nuk më besojnë”, thotë Vuçiq, raporton B92.

Ai shton se gjatë vizitës në një vend-ndërtim në Beograd me kryebashkiakun Sinisha Mali, vuri re se punëtorët “nuk flisnin serbisht”. Presidenti tha se ishin shqiptarë nga Maqedonia, “ndërsa tani në vendin e tyre janë punëtorë nga Republika Serbe” (entiteti serb në Bosnje Hercegovinë).

Vuçiq tha se ka shqiptarë të Maqedonisë që punojnë dhe në kantiere të tjera në Serbi si rrugë apo tunele, sepse sipas tij, “Serbia nuk ka punëtorë mjaftueshëm”.

Në të njëjtën intervistë, Vuçiq tha se borxhi publik i Serbisë do të jetë poshtë 52% të GDP-së, më i ulëti në rajon, teksa buxheti i shtetit është rritur për vitin e tretë radhazi, transmeton tch.

 

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400