Shtëpia-shkollë e Hërticëve në mëshirë të fatit, reagon asamblistja e LDK-së

16:50 / E shtunë, 21 Prill 2018
Shtëpia-shkollë e njohur si ‘Shkolla e Hërticëve’ në Prishtinë, para luftës u shërbeu shumë gjeneratave për arsimim.

Në mes të një parcele, shkolla e cila dikur nxori dhjetëra gjenerata ka mbetur gërmadhë. Jeta Rafauna, asambliste nga radhët e LDK-së në Kuvendin e Komunës së Prishtinës ka publikuar një fotografi të shkollës, ku edhe ka reaguar ashpër për mos kujdesin e sajë nga Komuna e Prishtinës.

Reagimi i asamblistes Rafuna:

Shtëpia-Shkollë e Hërticëve gjatë viteve të okupimit shërbeu si rezistencë kombëtare dhe aty u shkolluan me dhjetëra gjenerata. Sot ky monument i rezistencës ka mbetur në mëshirën e fatit dhe tash është i rrezikuar të shembet në shenjë pakujdesie dhe pa mbrojtje komunale. Vlen të theksohet që vitin e kaluar Komuna e Prishtinës ka shfrytëzuar vetëm 25 përqind të mjeteve të dedikuara për trashëgiminë kulturore, gjë që Komuna ka mundur ti dedikoj një pjesë të këtyre mjeteve në renovimin e këtij monumenti kombëtar, dhe në këtë formë kjo shtëpi-shkollë të shëndrrohet në një pikë kyçe turistike për komunën tonë. Mungesa e ideve nga ana e Kryetarit për zhvillimin e kulturës në komunën tonë e sjellë Komunën edhe në gjendje ku kemi tepricë buxhetore.

 

 

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400