Shumë fëmijë në Prishtinë të prekur nga gripi sezonal, në një shkollë mungojnë 75 nxënës

19:53 / E martë, 13 Shkurt 2018

 

Gripi sezonal i përhapur javëve të fundit ka prekur edhe shumë fëmijë.

70 deri në 75 nxënës kanë munguar në një orë mësimore në shkollën fillore “Xhemajl Mustafa” në Prishtinë.

Osman Vitia, mësimdhënës në këtë shkollë, tregon se ka pasur raste edhe gjatë orëve mësimore nxënësit nuk janë ndier mirë dhe kanë kërkuar të lirohen nga mësimi.

Shpresa Shala, drejtoreshë në shkollën fillore “Xhemajl Mustafa”, ka bërë të ditur se asnjëherë më parë numri i mungesave të nxënësve nuk ka qenë kaq i lartë.

E, nga Ministria e Arsimit bëjnë të ditur se është dhënë leja që nxënësit të mungojnë por ata t’i kompensojnë orët e humbura.

Ndihmë mjekësore shumë fëmijë kanë kërkuar edhe në Qendrën Kryesore të Mjekësisë Familjare.

Sipas mjekëve, simptomat e gripit sezonal janë temperatura e lartë, diarreja dhe të vjellat.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400