A do të jetë Vjosa Osmani pjesë e listës së deputetëve? Tregon Avdullah Hoti (VIdeo)

22:03 / E premte, 19 Maj 2017

Kanë mbetur edhe pak orë deri në dorëzimin e listave të deputetëve të partive në Komisionin Qendror Zgjedhor. Lidhja Demokratike, përkatësisht kreu i saj, Isa Mustafa, edhe më tutje nuk ka bërë të ditur nëse do të përfshihen në këtë listë deputetët që kundërshtuan fillimisht zgjedhjen e tij si kryeministër, më pas edhe Demarkacionin.

Avdullah Hoti, në intervistën e tij të parë që nga nominimi për kryeministër, dhënë në emisionin Komiteti, ka folur për listën e koalicionit LDK-AKR-Alternativa, bartës i të cilës do të jetë ai.

Hoti ka treguar nëse tashmë është gati lista e deputetëve, sepse kanë mbetur edhe pak orë deri në dorëzimin përfundimtar të saj në KQZ, ndërsa nuk ka bërë të ditur nëse pjesë e kësaj liste do të jenë Vjosa Osmani, Arben Gashi apo Shpejtim Bulliqi.

“Në atë listë janë emrat më t fuqishëm në skenën mediale dhe politike,” ka thënë Hoti pa përmendur emra të kandidatëve.

I pyetur për Osmanin, ka thënë se lista nuk është finalizuar dhe duhet pritur derisa ajo të finalizohet.

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400