Tërnava: Statusi juridik i bashkësive fetare po zvarritet pa arsye

09:00 / E enjte, 14 Qershor 2018

Kryetari i Bashkësisë Islame të Kosovës (BIK), Naim Tërnava, ka bërë thirrje që të zgjidhet statusi juridik i bashkësive fetare.

Në këtë intervistë dhënë për gazetën “Epoka e re”, Tërnava ka theksuar se pa arsye është duke u zvarritur statusi juridik i bashkësive fetare.

Ai ka thënë se draftiligji i cili tanimë është në Kuvend nuk u jep zgjidhje bashkësive fetare, megjithatë ato i vë në kuadër të ligjit.

Tërnava ka pohuar se duhet të gjendet zgjidhje që imamët dhe nëpunësit e BIK-ut të kenë pagë të pranueshme edhe të dinjitetshme.

Në këtë intervistë Tërnava ka folur edhe për sfidat me të cilat përballet institucioni që drejton.

Ai ka theksuar se ndër sfidat e BIK-ut janë edukimi dhe ruajtja e besimtarëve në rrugën e drejtë, luftimi i doktrinave ekstremiste, parandalimi i dukurive negative si vetëvrasjet dhe përdorimi i narkotikëve.

Tërnava ka bërë me dije se xhamia qendrore në kryeqytet do të ndërtohet këtë vit.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400