Thaçi pranon kredencialet nga ambasadorja e re e Panamasë

12:59 / E mërkure, 14 Shkurt 2018

 

Presidenti i vendit, Hashim Thaçi ka pranuar letrat kredenciale nga ambasadorja e re jorezidente e Panamasë për Kosovë, Paulina Franceschi Navarro.

Kreu i shtetit e ka uruar atë për detyrën e re, duke i ofruar përkrahje të plotë në ushtrimin e postit të saj.

“U jemi mirënjohës dhe falënderues për njohjen që Panamaja i ka bërë Kosovës, por edhe për mbështetjen e vazhdueshme që keni dhënë në fuqizimin e subjektivitetit ndërkombëtarë”, ka thënë Presidenti.

Nga ana tjetër, ambasadorja jo rezidente e Panamasë për Kosovën, Paulina Franceschi Navarro, duke e falënderuar Thaçiin, i shprehu urimet më të mira për 10 vjetorin e pavarësisë.

Kreu i shtetit në fund ka thënë se Panamaja është partner strategjik në Amerikën Latine, duke theksuar nevojën për rritjen e bashkëpunimit bilateral ndërmjet dy shteteve, transmeton Klan Kosova.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400