Topalli: Jemi kundër që Hashim Thaçi t’i prijë dialogut me Serbinë

18:50 / E enjte, 14 Qershor 2018

Deputeti i Partisë Socialdemokrate, Faton Topalli, ka thënë se ata janë kundër që Hashim Thaçi t’i udhëheq bisedimet me Serbinë.

“E kemi përvojën me Thaçin edhe si kryeministër edhe në pjesën e dialogut. Ai ka qenë jotransparent dhe kuvendi kurrë nuk ka qenë i njoftuar rreth procesit të dialogut sa ai e ka drejtuar”, ka thënë Topalli, njofton Klan Kosova.

“Nuk është i përshtatshëm për dialog dhe jemi kundër që ai t’i prijë dialogut me Serbinë”.

Sipas Topallit me rëndësi është që të ketë dialog mes Kosovës dhe Serbisë dhe se kush i prinë këtij procesi është më pak me rëndësi.

“Me rëndësi që të kemi dialog, që të diskutojmë, cilat janë interesat dhe kërkesat tona në raport me Serbinë, më pastaj vjen kush e udhëheq dialogun. Thaçi nuk është i përshtatshëm për shkak të gabimeve që ka bërë”.

“Madje ka një konsensus që Thaçi të mos i prijë këtij procesi”.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400